macOS Recovery á Intel vélum

Hvernig ræsa á upp macOS Recovery

• Kveiktu á tölvunni og ýttu strax á og haltu niðri þessum lyklum: Command (⌘) og R.
• Slepptu lyklunum þegar þú sérð Apple merki, hnött eða aðra ræsiskjái.
• Tölvan gæti beðið um lykilorð, til dæmis fastbúnaðar lykilorð eða lykilorð stjórnanda (e. administrator) tölvunnar. Sláðu inn umbeðið lykilorð til að halda áfram.
  

• Ræsingu er lokið þegar þessi gluggi kemur á skjáinn:
  
• Veldu tól úr macOS Recovery Utilities glugganum og smelltu svo á Continue til að halda áfram:
  • Restore From Time Machine Backup: Endurheimta gögn frá Time Machine afriti.
  • Reinstall macOS: Ná í og enduruppsetja Mac stýrikerfið.
  • Get Help Online: Notaðu Safari til að vafra um netið og finna aðstoð fyrir Mac. Tenglar á þjónustuvef Apple eru til staðar í Safari. Vafraviðbætur og smáforrit eru óvirk.
  • Disk Utility: Notaðu Disk Utility til að gera við- eða hreinsa diskinn eða önnur geymslutæki.
    
    Frekari tól eru í boði í Utilities valmyndinni á valmyndarstikunni: Startup Security Utility (eða Firmware Password Utility), Network Utility og Terminal. 
• Veldu Restart eða Shut Down úr Apple valmyndinni til að hætta í macOS Recovery. Veldu Startup Disk frá Apple valmyndinni ef þú vilt velja annan ræsidisk áður en þú hættir í macOS Recovery.

Ef þú getur ekki ræst upp macOS Recovery

Ef tölvan getur ekki ræst sig upp með innbygða macOS Recovery kerfinu af einhverjum ástæðum, gæti hún reynt að ræsa upp með macOS Recovery á internetinu. Þegar það gerist munt þú sjá hnött á skjánum í stað Apple merkisins við ræsingu: 

Til að keyra handvirkt upp með Internet Recovery, ýttu þá á og haltu niðri eftirfarandi tökkum við ræsingu:

• Option(alt)-Command-R
• Shift-Option(alt)-Command-R
  Frekari upplýsingar
  
  

Ef tölvan nær ekki að keyra upp með Internet Recovery munt þú sjá hnött með viðvörunarþríhyrningi (upphrópunarmerki):

Ef slíkt kemur upp getur þú prófað eftirfarandi:

• Gakktu úr skugga um að tölvan geti tengst við internetið. Ef þú færð ekki boð um að tengjast Wi-Fi neti við ræsingu skaltu færa bendilinn efst á skjáinn og velja nettengingu í Wi-Fi valmyndinni , ef það er í boði.
• Ýttu á Command-R við ræsingu til að keyra upp með innbyggða Recovery kerfinu í stað Internet Recovery.
• Tengdu tölvuna við internetið með ethernet kapli í stað Wi-Fi, eða öfugt.
• Tengdu tölvuna við internetið með annari Wi-Fi eða ethernet nettengingu. Það gæti verið að nettengingin þín leyfi ekki internetaðgang sem macOS Recovery þarf á að halda.
• Reyndu aftur seinna þar sem vandinn gæti verið tímabundinn.
• Ræstu upp frá öðrum disk eða bindi ef möguleiki er á því, eða notaðu utanáliggjandi ræsidisk með uppsetningarforriti til að enduruppsetja macOS.