Ellefta kynslóð iPad er litrík, kraftmikil, fallega hönnuð og fjölhæf. iPad 11 kemur í fjórum hressandi litum: gulum, bleikum, bláum og klassískum silfur. Nýr A16 örgjörvi eykur afköst án þess að skerða rafhlöðuendingu. 

Myndavélin að framan er á lengri hliðinni fyrir miðju sem er miklu þægilegra fyrir myndsímtöl. Fingrafaralesarinn er á sínum stað og flýtir fyrir auðkenningu. Skjárinn teygir sig upp í 11” og birtustigið er nú allt að 500 nit.

iPad 11 er í sterku sambandi við umheiminn með WiFi 6 þráðlausu neti og möguleika á 5G neti. WiFi 6 eykur hraða og er 40% sneggra en WiFi 5. WiFi 6 tekst betur á við þegar það er þröngt setið og kemur í veg fyrir árekstra. 5G heldur þér í sambandi á ferðinni og kemur í veg fyrir að þú þurfir að nota slappt þráðlaust net á kaffihúsum. 5G býður upp á rosalegan hraða á farnetum og þolir mun fleiri samtengd tæki á hverju mastri. iPad 11 er með USB-C sem styður fullt af búnaði og hleður fimm sinnum hraðar með hraðhleðslutækjum.