Pinga.
Finna.

Það er aðeins minna stressandi að finna ekki veskið þitt þegar þú hefur fest AirTag við það. Spilaðu bara hljóð á innbyggða hátalaranum með því að fara í nýja Items-flipann í Find My?-forritinu, eða segðu „Hey, Siri. Where is my wallet?“. Ef það leynist einhvers staðar nálægt - eins og undir sófanum eða í jakkavasa - geturðu fylgt hljóðinu þar til þú finnur það.

Hvernig virkar þetta?

AirTagið þitt sendir frá sér öruggt Bluetooth-merki sem nálæg tæki í Find My?-kerfinu nema. Þessi tæki áframsenda staðsetningu AirTagsins til iCloud – þannig að þú getur séð hvar það er á kortinu í Find My?-appinu. Allt ferlið er nafnlaust og dulkóðað til að vernda persónuupplýsingar. Og það er skilvirkt, þannig að þú þarft ekki að hafa áhyggjur af rafhlöðuendingu eða gagnanotkun.

AirTag er hannað til að koma í veg fyrir óumbeðna rakningu. Ef AirTag sem tilheyrir einhverjum öðrum skyldi lenda á meðal hlutanna þinna, mun iPhoneinn þinn greina að hann fylgir þér og senda þér tilkynningu. Ef nokkur tími hefur liðið og þú hefur enn ekki fundið það, mun AirTagið spila hljóð til að láta þig vita að það sé.
En ef þú ert á ferðalagi með vini sem á AirTag, eða situr í lest þar sem margir farþegar eru með AirTag, gerist ekkert. Tilkynningar eru aðeins gefnar út þegar AirTag verður viðskilja við eiganda sinn.